Компания туралы
Жаңалықтар
Қызметі
Онлайн Flight plan
Аэронавигациялық ақпарат
Мансап
Қызметі
«Қазаэронавигация» республикалық мемлекеттік кәсіпорны Қазақстан Республикасындағы ең ірі аэронавигациялық қызмет провайдері болып табылады. Кәсіпорын ҚР Министрлер Кабинетінің 1994 жылғы 10 маусымдағы №489 қаулысына сәйкес Қазақстан Республикасы Көлік және коммуникация министрінің 1995 жылғы 22 маусымдағы №133 бұйрығымен құрылды.
Жарғыға сәйкес Кәсіпорынның мақсаты ҚР әуе кеңістігін пайдаланушылардың аэронавигациялық ақпаратқа деген қажеттіліктерін қамтамасыз ету және авиациялық персоналды даярлауға, медициналық қамтамасыз етуге деген азаматтық авиация саласының қажеттіліктерін қанағаттандыру болып табылады.
Кәсіпорын қызметінің негізгі түрлері:
- ҚР әуе кеңістігінде әуе қозғалысын ұйымдастыру және оған қызмет көрсету;
- ҚР әуе кеңістігінде ұшу қауіпсіздігін қамтамасыз ету;
- Ұшуды радиотехникалық қамтамасыз ету және байланыс құралдарын пайдалану;
- ҚР әуе кеңістігі пайдаланушыларын аэронавигациялық ақпаратпен қамтамасыз ету.
Метеорологиялық қамтамасыз ету және ақпарат басқармасы
«Қазаэронавигация» РМК Жарғысына енгізілген өзгерістер мен толықтыруларға сәйкес және «Қазаэронавигация» РМК бас директорының бұйрығына сәйкес 2015 жылғы 11 қарашадан бастап ұшуды метеорологиялық қамтамасыз етуді «Қазаэронавигация» РМК жүзеге асырады.
Құрылыс басқармасы
Құрылыс басқармасының негізгі міндеттері жобалау жұмыстарын ұйымдастыру, ғимараттар мен құрылыстарды салу, күрделі жөндеу, объектілерді реконструкциялау (бекітілген жоспарлар мен ЖСҚ-ға сәйкес) болып табылады.
Ұшу қауіпсіздігін басқару жүйесі
«ҚР әуе кеңістігін пайдалану және авиация қызметі туралы» 2010 жылғы 15 шілдедегі №339-IV ҚР Заңына сәйкес ҚР Көлік және коммуникация министрінің 2011 жылғы 28 наурыздағы №173 бұйрығымен бекітілген Әуе қозғалысына қызмет көрсету кезінде ұшу қауіпсіздігін басқару жөніндегі үлгі нұсқаулықпен 2012 жылғы маусымда «Қазаэронавигация» РМК-да Кәсіпорында ұшу қауіпсіздігін басқару жүйесін (ҰҚБЖ) ұйымдастыру, енгізу және оның жұмыс істеуін қамтамасыз ету мақсатында ұшу қауіпсіздігін басқару жөніндегі департамент құрылды.
Ұшуды іздестіру-құтқарумен және метеорологиялық қамтамасыз ету жүйесі
ҚР Үкіметінің 2011 жылғы 04 қарашадағы №1296 қаулысымен бекітілген ҚР аумағында ұшуды іздестіру-құтқарумен қамтамасыз етуді ұйымдастыру жөніндегі қағидаларға сәйкес Әуе қозғалысын жоспарлау бас орталығының негізінде Іздестіру және құтқару жөніндегі үйлестіру орталығы құрылды.
«Қазаэронавигация» РМК Кәсіби дайындау орталығы
Кәсіби дайындау орталығы (КДО) авиация саласының жұмыс берушілері мен жұмыскерлеріне кәсіби даярлаудың заманауи сертификатталған бағдарламаларын ұсынады. ICAO халықаралық азаматтық авиация ұйымының TRAINAIR PLUS бағдарламасы шеңберіндегі кәсіби даярлаудың жаһандық жүйесінің толық құқықты қатысушысы бола отырып, КДО халықаралық оқыту стандарттарын қолдану мен насихаттаудың негізгі элементін айқындайды.
Авиациялық медициналық орталық «Қазаэронавигация» РМК
Инновациялық бағыттағы, халықаралық стандарттарға жауап беретін, кадрлық әлеуеті жоғары медициналық жабдықтары бар Қазақстандағы жалғыз медициналық орталық. Сараптама қызметін жүзеге асырудан басқа, Авиациялық медициналық орталық азаматтық авиацияның авиациялық персоналына емдік, диагностикалық, оңалту қызметтерін көрсетеді, медициналық куәландырулар арасындағы кезеңде динамикалық бақылау жүргізеді.
Тарифтер және экономикалық талдау басқармасы
«Қазаэронавигация» РМК-ның реттеліп көрсетілетін аэронавигация қызметтерін көрсету жөніндегі 2016жылғы жұмысы туралы есеп