Сыбайлас жемқорлыққа қарсы іс-қимыл

«Қазаэронавигация» РМК-да сыбайлас жемқорлыққа қарсы комплаенс-қызмет жұмыс істейді

Сыбайлас жемқорлыққа қарсы комплаенс-қызмет қызметінің негізгі мақсаты «Қазаэронавигация» РМК мен оның жұмыскерлерінің Қазақстан Республикасының Сыбайлас жемқорлыққа қарсы іс-қимыл туралы заңнамасын сақтауын қамтамасыз ету, сондай-ақ сыбайлас жемқорлыққа қарсы іс-шаралардың іске асырылуына мониторинг жүргізу болып табылады.

Сыбайлас жемқорлыққа қарсы комплаенс-қызметтің міндеттері:

1) «Қазаэронавигация» РМК-да сыбайлас жемқорлық құқық бұзушылықтарды ескерту және алдын алу құралдарын енгізуді қамтамасыз ету;

2) «Қазаэронавигация» РМК-да сыбайлас жемқорлыққа қарсы іс-қимыл жөніндегі шаралар жүйесін тиімді іске асыру;

3) «Қазаэронавигация» РМК-да сыбайлас жемқорлық тәуекелдеріне ішкі талдау жүргізуді қамтамасыз ету;

4) Сыбайлас жемқорлыққа қарсы іс-қимыл мәселелері бойынша сыртқы реттеуші талаптардың және үздік халықаралық практиканың сақталуын қамтамасыз ету;

5) «Сыбайлас жемқорлыққа қарсы іс-қимыл туралы» Қазақстан Республикасының Заңына сәйкес сыбайлас жемқорлыққа қарсы іс-қимылдың негізгі приницптерінің сақталуын қамтамасыз ету.

«Қазаэронавигация» РМК (бұдан әрі – Кәсіпорын) жұмыскерлер мен барлық мүдделі тараптарды Қазақстан Республикасының Корпоративтік кодексі мен сыбайлас жемқорлыққа қарсы заңнамасының ықтимал немесе орын алған бұзушылықтары туралы мәлімдеу үшін «жедел желіге» хабарласуға немесе комплаенс-коммуникациялардың өзге де құралдарын пайдалануға шақырады. Ұсынылатын ақпаратта көрінеу жалған мәліметтердің болмауы, үшінші тұлғалардың құқықтарын бұзбауы, Кәсіпорынның заңды мүдделерін бұзбауы керек.

Ақпарат беру мақсатында мынадай байланыс арналары пайдаланылады:

- комплаенс қызметінің басшысы Еламанов Жаңалық Бекмырзаұлы, (7172) 700-183, эл.пошта: Zhangalyk.Yelamanov@ans.kz; комплаенс офицері Бердібекұлы Мұрат, (7172) 700-645, эл.пошта: Murat.Berdibekuly@ans.kz;

- 8-700-340-01-55 телефоны бойынша Кәсіпорынның Комплаенс қызметінің «жедел желісіне» дауысты хабарламалар жіберу;

- Кәсіпорынның office@ans.kz электрондық пошта мекенжайына электрондық хабарлама жіберу;

- «Е-Өтініш» АЖ арқылы электрондық өтініш (шағым) беру;

- Кәсіпорынның https://www.ans.kz/ сыртқы сайты арқылы электрондық өтініш беру;

- Кәсіпорынның Комплаенс қызметіне тікелей жүгіну;

- өтініштерді қабылдау үшін арнайы жәшікті пайдалану;

- өтініш берушіге ыңғайлы қарым-қатынастың кез келген басқа тәсілін қолдану.

Саясаттың ықтимал немесе орын алған бұзушылықтары туралы хабарлау өтініш білдірушілер үшін Кәсіпорын тарапынан ешқандай қолайсыз салдарға әкеп соқпайтынына Кәсіпорын кепілдік береді.

Кәсіпорын құпиялық сақтауға және «жедел желіге» жүгінгендерді Кәсіпорында кез келген қысым көрсету, қудалау және кемсіту түрінен қорғауға кепілдік береді.