Құрылыс басқармасы

Құрылыс басқармасының негізгі міндеттері жобалау жұмыстарын ұйымдастыру, ғимараттар мен құрылыстарды салу, күрделі жөндеу, объектілерді реконструкциялау (бекітілген жоспарлар мен ЖСҚ-ға сәйкес) болып табылады.

Басқарманың негізгі функциялары:

Мемлекеттік сатып алу бойынша рәсімдерді жүргізу үшін жобалау жұмыстарына, құрылыс-монтаждау жұмыстарына, объектілерді күрделі және ағымдағы жөндеуге, реконструкциялауға, ғимараттар мен құрылыстарды таңбалауға техникалық тапсырмалар дайындау;

Жобаларды дайындауға және жобалау ұйымдарымен және бас мердігерлермен жобалау, іздестіру қызметтерін, құрылыс-монтаж жұмыстарын орындауға, объектілерді күрделі және ағымдағы жөндеуге, реконструкциялауға, ғимараттар мен құрылыстарды таңбалауға, сондай-ақ тауарларды, жұмыстарды, көрсетілетін қызметтерді сатып алуға, жасалған шарттардың орындалуын бақылауға шарттарды келісуге қатысу;

Жобалау-сметалық құжаттаманы уақтылы алуды, хабарламалар жіберуді және ғимараттар мен құрылыстарды салуға, күрделі жөндеуге рұқсат алуды ұйымдастыру және қамтамасыз ету;

Құрылыс-монтаждау жұмыстарының, күрделі жөндеудің орындалуын бақылауды жүзеге асыру.

Құрылыс объектілерін уақтылы пайдалануға беру жөніндегі іс-шараларды әзірлеу, олардың орындалуын ұйымдастыру және қамтамасыз ету;

Шарттың бекітілген сомасына сәйкес ғимараттар мен құрылыстарды салуға және жөндеуге арналған шығыстарды бақылауды жүзеге асыру;

Қолданыстағы қағидалар мен ережелердің талаптарына сәйкес жаңадан салынған ғимараттар мен құрылыстарды пайдалануға қабылдау жөніндегі комиссияларға қатысу;

Кедендік режимге сәйкес уақытша әкелінген және әкетілетін жабдыққа бақылау мен есепке алуды жүргізу жөніндегі жұмыстарды ұйымдастыру;

Өтінім бойынша келіп түскен Кәсіпорынның құрылымдық бөлімшелерінің жобаларының сметалық бөлігін сүйемелдеу.

Соңғы жылдары халықаралық стандарттарға сәйкес әуе қозғалысына қауіпсіз және сапалы аэронавигациялық қызмет көрсету және азаматтық авиация саласын дамытуға жәрдемдесу мақсатында жерүсті инфрақұрылымын дамыту жөніндегі ірі инвестициялық жобалар табысты іске асырылуда.

Халықаралық стандарттарға сәйкес салынған және ұшуды радиотехникалық қамтамасыз етудің және байланыстың жаңа құралдарымен жарақтандырылған диспетчерлік мұнарасы бар жаңа заманауи ғимараттар пайдалануға берілді, мысалы, Түркістан қаласындағы авиадиспетчерлік мұнарасы бар техникалық ғимарат (2021 ж.), Өскемен қаласындағы диспетчерлік мұнарасы бар әкімшілік-техникалық ғимарат (2022 ж.) және Астана қаласындағы өндірістік-техникалық орталығы (2022 ж.). Бұдан басқа, жыл сайынғы негізде метео және аэронавигациялық жабдықтар үшін позициялар салынады, сондай-ақ Кәсіпорын филиалдарының қолданыстағы объектілерін жаңғырту және реконструкциялау бойынша жұмыстар орындалады.

Қазіргі уақытта құрылыс басқармасы Семей қаласында диспетчерлік мұнарасы бар техникалық ғимаратты, Тараз қаласында және Талдықорған қаласында диспетчерлік мұнарасы бар әкімшілік-техникалық ғимаратты ұйымдастыруға және оның құрылысын бақылауға белсенді қатысады.