Ұшуды іздестіру-құтқарумен және метеорологиялық қамтамасыз ету жүйесі

ИКАО (Халықаралық азаматтық авиация ұйымы) стандарттары мен ұсыныстарына және Қазақстан Республикасы Үкіметінің 2011 жылғы 4 қарашадағы №1296 қаулысымен бекітілген ҚР аумағында  ұшуды іздестіру-құтқарумен қамтамасыз етуді ұйымдастыру жөніндегі қағидаларға сәйкес  Қазақстан Республикасы аумағында  ұшуды іздестіру-құтқарумен қамтамасыз етудің  ұйымдастыру жүйесі жетілдірілді.

Кәсіпорын базасында Іздестіруді және құтқаруды үйлестіру орталығы құрылды.

Аталған орталық ҚР аумағында апатқа ұшыраған немесе зардап шеккен әуе кемелері үшін іздестіру-құтқару іс-шараларын жүргізуге тартылатын қызметтердің күштері мен құралдарын жедел үйлестіруді қамтамасыз етеді.

2023 жылдан бастап АНҚ көрсетуші мен азаматтық авиация пайдаланушылары арасында жасалған іздестіру-құтқарумен қамтамасыз ету шарттарына сәйкес күнделікті кезекшілікке мынадай іздестіру мен құтқару аудандарында орналасқан 27 іздестіру-құтқару әуе кемелерінің экипаждары қатысады: Астана, Ақтөбе, Шалқар, Орал, Атырау, Ақтау, Бейнеу, Көкшетау, Қостанай, Торғай, Петропавл қалаларында, Павлодар, Балқаш, Қарағанды, Жезқазған, Қызылорда, Тараз, Шымкент, Алматы (Боралдай), Талдықорған, Өскемен, Семей, Үржар, Торғай, Қазалы, Түркістан, Мойынқұм.

Азаматтық іздестіру-құтқару әуе кемелерінің кезекшілігі радиотехникалық және көзбен шолып іздестіру үшін күндізгі уақытта жүзеге асырылады.

Қазіргі уақытта өңірлік іздестіру-құтқару жоспарларын жаңарту процедуралары жүргізілуде.