Филиалдар

Бүгінгі таңда Кәсіпорынның құрылымы оңтайлы ұйымдастырылған, оның құрамына 4 өңірлік орталық (Орталық Қазақстан, Оңтүстік-Шығыс, Батыс Қазақстан, Оңтүстік Қазақстан ) және 11 филиал (Ақтау, Атырау, Қарағанды, Қостанай, Өскемен, Қызылорда, Жамбыл, Көкшетау, Павлодар, Орал, Петропавл), 17 алыс жердегі орындар (Талдықорған, Боралдай, Үшарал, Жаркент, Шалқар Қарабұтақ, Бейнеу, Балқаш, Жезқазған, Арқалық, Арал, Баянауыл, Үржар, Зайсан, Семей, Аягөз, Түркістан) кіреді. 

Астана қаласындағы Әуе қозғалысын басқару автоматтандырылған жүйесі орталығы 1 млн. км2 жауапкершілік аймағын қамтиды. Аудан төрт секторға бөлінген, 7 әуеайлақ бар. Астана әуе қозғалысын автоматтандырылған басқару орталығымен 19 радиолокациялық кешен біріктірілген, Орталық жалпы ұзындығы 42 542 км 61 ӘҚҚ маршрутын және көрші мемлекеттермен шекарадағы 11 дәлізді бақылайды.

6 секторға бөлінген, 14 біріктірілген радиолокаторы орнатылған 4 әуеайлағы бар Ақтөбе қаласындағы әуе қозғалысын басқару автоматтандырылған жүйесінің орталығы 879 914 км2 жауапкершілік аймағына қызмет көрсетеді. Орталық арқылы жалпы ұзындығы 30 388 км 50 ӘҚҚ маршруттары және көршілес мемлекеттермен 23 әуе дәлізі өтеді.

Алматы қаласында 30 жұмыс орны және 6 алыс жердегі мұнарасы бар әуе қозғалысын басқару автоматтандырылған жүйесі орталығы 2010-2012 жылдары ұйымдастырылды. Орталықтың жауапкершілік аймағы 4 секторға бөлінген, 13 біріктірілген радиолокатор орнатылған 9 әуеайлағы бар 1 млн 50 мың км2 қамтиды.  Орталық арқылы жалпы ұзындығы 22 174 км ӘҚҚ 41 бағыты және көршілес мемлекеттермен 10 әуе дәлізі өтеді.