Еуропалық әуе навигациясының қауіпсіздік ұйымы

EUROCONTROL— Еуропалық әуе навигациясының қауіпсіздік ұйымы 1960 жылы құрылған. Оның негізгі мақсаты Тұтас Еуропа аспаны жобасының шегінде әуе қозғалысын ұйымдастырудың жалпы еуропалық жүйесін әзірлеу болып табылады. EUROCONTROL әуе қозғалысын ұйымдастырудың «жіксіз», жалпы еуропалық жүйесінде жұмыс істейді. EUROCONTROL қоғамдық ұйым болып табылады және қазіргі уақытта оның мүшелігінде 40 мемлекет бар; оның штаб-пәтері Брюссель қаласындағы Харенде орналасқан.

Еуропалық комиссия EUROCONTROL-ға Тұтас Еуропа аспаны жобасының шегінде реттеушілік қызметті орындауға уәкілеттік берді. Еуробақылау барлық Еуропаның әуе кеңістігін басқаруды үйлестіреді және жоспарлайды, бұл үшін Еуропаның әуе кеңістігінің функционалдық блоктары жүйесі (ағыл. FABs) құрылған. Оның міндеті ұлттық ұйымдармен, аэронавигациялық қызмет көрсетушілермен, азаматтық және әскери әуе кеңістігін пайдаланушылармен, әуежайлармен және басқа да ұйымдармен жұмыс істеу болып табылады. Оның қызметіне аэронавигациялық қызмет көрсетудің «есіктен есікке дейін» (ағыл. gate-to-gate) операциялары: ағынды стратегиялық және тактикалық басқару, авиадиспетчерлерді оқыту, әуе кеңістігін өңірлік басқару, технологиялар мен процедуралардың қауіпсіздік құралымен жабдықтау және аэронавигациялық алымдарды жинау кіреді.

ресми сайт www.eurocontrol.int