«Қазаэронавигация» РМК қаржы бөлімшелерінің қызметкерлері арасында спорттық іс-шара өткізілді

2016 жылғы 15 қарашада «Қазаэронавигация» Орталық аппараты мен «Орталық Қазақстан әуе қозғалысын ұйымдастыру өңірлік орталығы» филиалының қаржылық бөлімшелерінің арасында Қазақстан Республикасы қаржы жүйесі қызметкерлерінің кәсіби мерекесі Ұлттық валюта – теңге күніне арналған боулинг бойынша турнир өткізілді.

Турнирге 7 команда қатысты. Тартысты бәсекенің қорытындысы бойынша бірінші орынды  «Мерген» командасы (экономикалық жоспарлау басқармасы) жеңіп алды, екінші орынды «STRIKE» командасы (мемлекеттік сатып алуды ұйымдастыру басқармасы), ал үшінші орынды «Триумф навигация» командасы (еңбекті ұйымдасыру және еңбекақы төлеу бөлімі) иеленді.

«Қазаэронавигация» РМК басқарушы директоры Руслан Мағзұмов жеңімпаздарға кубоктар, медальдар мен грамоталар табыстады.

«Ең үздік ойыншы» номинациясы бойынша әйелдер арасында бюджетті жоспарлау және орындау бөлімінің жетекші экономисі Данагүл Мүслім, ал ерлер арасында филиалдармен жұмыс істеу бөлімінің бастығы Ерлан Сұлтанов жеңіске жетті.

Сондай-ақ мерекеге орай қызметкерлерге кәсіпқойлығы мен аэронавигация жүйесін дамытуға сіңірген еңбектері үшін «Қазаэронавигация» РМК бас директорының алғыс хаттары берілді.