«Саятшылық» ұлттық спорт түрі бойынша халықаралық турнирге қатысу

2016 жылғы 5-6 қарашада «Саятшылық» ұлттық спорт түрі бойынша Халықаралық турнирі және Астана қаласының ашық біріншілігі болып өтті.

Турнирге 30 аса бүркітші қатысты. Моңғолиядан, Қырғызстаннан және Қазақстанның 11 өңірінен қатысқан спортшылар бүркітпен аң аулау және құсты бағындыру шеберлігін көрсетті.

Халықаралық турнирдің екі күндік бағдарламасына бүркіттің еркін ұшуы және иесінің қолына қайта келіп қонуы, шырға, сондай-ақ аң аулау бойынша жарыс түрлері кірді.

«Қазаэронавигация» РМК қызметкерлері арасында да бүркітшілер бар. Басқарушы директор Руслан Қапызұлы Мағзұмов жыл сайын осындай жарыстарға қатысады, жоғарыда айтылған Халықаралық турнирде ол жетінші орынды иеленді.

Турнирді өткізуге белсенді түрде қатысып, өз шеберлігін көрсеткені үшін, сондай-ақ ұлттық спорт түрін дамытуға сіңірген еңбегі үшін Қазақстан Республикасы Мәдениет және спорт министрлігінің  Спорт және шынықтыру істері комитеті төрағасының алғыс хатымен, облыстық әкімдіктің дене шынықтыру және спорт басқармасының, сондай-ақ Ұлттық спорт түрлері қауымдастығының дипломдарымен марапатталды.