Ryanair рейстерінің 30 пайыздан көбін қысқартып, Еуропадағы әуежайларын жабуда

Салынған уақыты 09.11.2020 09:04

Еуропадағы ең ірі тасымалдаушы Ryanair коронавирусқа байланысты шектеулерге байланысты рейстерді тоқтатуға және рейстердің үштен бірін қысқартуға мәжбүр, деп хабарлайды Туризм. Туризм саласының тоқырау жағдайында Ryanair басшылығы осы қыста өзінің әрбір үшінші маршрутынан бас тарту туралы шешім қабылдады. Мұның себебі бүкіл Еуропада жүріп жатқан коронавируспен күресу шаралары аясындағы төмен сұраныс.

 Лоукостер тасымалдары көлемінің қысқаруы 2020 жылғы наурыздан қарашаға дейінгі кезеңде өткен жылғы көрсеткіштердің 60 пайызын құрайды. Бұл болжамды көрсеткіштен жоғары, бұрын азайту 40 пайызға ғана жоспарланған болатын. Авиакомпания өкілдерінің айтуынша, қызметті жалғастыру үшін әуе кемесі  кемінде 70%  толуы керек. Бірақ бұл бүгінде шындыққа жанаспайды, өйткені «үкіметтің ЕО әуе тасымалын дұрыс басқармауы салдарынан сала тоқырауға ұшырауы мүмкін».

Сарапшылардың болжамдары көңіл көншітпейді: жаңа қысқартулар болатыны сөзсіз, ал авиакомпанияның қызметін «Сovid-19-ға қарсы тиімді вакцина» жасалғаннан кейін ғана қолайлы деңгейде қалпына келтіруге болады. Ryanair сонымен қатар Ирландиядағы Корк пен Шеннон қалаларындағы және Францияның Тулуза қаласындағы базаларын кем дегенде 5 айға жабады, яғни 2021 жылдың сәуіріне дейін. Қызметті қолдау мақсатында Ryanair бағаны төмендетуге және арнайы ұсыныстар жасауға мәжбүр. EasyJet, TUI және British Airways сияқты басқа әуе тасымалдаушылары да осылай жасайды.

2758