Қазақстанда әскери-көліктік авиацияны дамыту жоспарлануда

Салынған уақыты 27.10.2020 09:05

Алматы облысында Қазақстан Қарулы Күштері тарихындағы алғашқы кешенді бітімгершілік оқу-жаттығулары аяқталды, олардың белсенді кезеңін Мемлекет Басшысы Қасым-Жомарт Тоқаев бақылап отырды деп хабарлады Ақорданың баспасөз қызметі. Оқу-жаттығуларға 1000-нан астам әскери қызметші, десанттық-шабуылдау әскерлерінің, әскери әуе күштерінің, әскери полицияның, әскери медициналық мекемелердің, бітімгершілік даярлық орталығы мен минасыздандыру орталығының 100-ден астам жауынгерлік және арнайы техникасы жұмылдырылды.

Қасым-Жомарт Тоқаев оқу-жаттығу барысында әскери қызметшілердің кәсіби біліктілігін атап өтіп, қазақстандық бітімгерлерге мінсіз қызметі үшін алғысын білдірді. Мемлекет басшысы бейбіт уақытта да үлкен міндеттер атқаратын әскеридердің өсіп келе жатқан рөлін атап өтті. «Ынтымақтастық пен серіктестік – біздің басты артықшылығымыз. Сіз халықаралық қауіпсіздікті нығайтуға үлкен үлес қостыңыз. Бітімгер болу – бейбітшіліктің елшісі болу. Сіздер бұл тапсырманы адал орындадыңыз. Осындай жаттығулардың арқасында әскери шеберліктеріңіз күшейе береді. Біздің әскердің жауынгерлік рухы мен даңқы тек нығая түсетініне сенімдімін", — деді Мемлекет басшысы.

Президенттің айтуынша, мұндай әскерлерді заманауи техникамен жабдықтау басым тәртіппен жүзеге асырылуға тиіс және оған отандық кәсіпорындар тартылатын болады. Мемлекет басшысы әскерлерді басқаруда цифрлық технологияларды дамыту, сондай-ақ кибер- және ақпараттық кеңістіктегі іс-қимылдың тактикасы мен стратегиясын пысықтау қажеттігін атап өтті. Мемлекет басшысы, сондай-ақ, Қарулы Күштерді материалдық-техникалық қамтамасыз етудің заманауи әскери инфрақұрылымы мен логистикалық жүйесін құру қажеттігін атап өтті.

3041