Петропавл филиалында Халықаралық авиадиспетчерлер күніне арналған салтанатты іс-шара өткізілді

Салынған уақыты 21.10.2020 14:46

2020 жылғы 20 қазанда Петропавл филиалында Халықаралық авиадиспетчерлер күніне арналған салтанатты іс-шара өткізілді. ӘҚҚ қызметінің аға қызметкерлері осы мерекенің пайда болу тарихы, сондай-ақ Петропавл филиалы мен әуеайлағының тарихы туралы айтып берді. Мереке соңында «Қазаэронавигация» РМК Петропавл филиалының директоры Ф.Қ. Құнанбаевтың алғыс хаттары тапсырылды. Марапатталушылар арасында 45 жыл жұмыс өтілі бар ӘҚҚ қызметінің бастығы Сергей Алексеевич Тулиновтың аты ерекше аталды.

Сергей Алексеевич 1952 жылы 7 желтоқсанда Петропавл қаласында дүниеге келген. 1974 жылы 22 жасында Петропавл біріккен авиажасағына 3-класты радиотехник болып қабылданды. Бір жылдан кейін Сергей Алексеевич бастапқы даярлау курсынан өтіп, әуе қозғалысына қызмет көрсету диспетчері лауазымына ауыстырылды. 1982 жылдан 1995 жылға дейін Петропавл авиажасағының қозғалыс қызметінің аға диспетчері, ұшу басшысы болып жұмыс істеді.  1991 жылы өндірістен қол үзбей Ленин ордені Азаматтық авиация академиясын бітірді. 1995 жылдан бастап қазіргі уақытқа дейін Сергей Алексеевичтің еңбек жолы «Қазаэронавигация» РМК Петропавл филиалымен байланысты, онда ол аға диспетчер, ұшу басшысы, ӘҚҚ қызметінің бастығы болып жұмыс істеді.

Жұмыс барысында және басшылық жасау кезінде өзін тамаша ұйымдастырушы, өз ісінің білікті маманы ретінде көрсетті, өзінің орасан зор өндірістік, өмірлік тәжірибесін жұмыстағы әріптестері мен жас мамандарға үйретуден жалықпады.  Әртүрлі лауазымдарда жұмыс істей отырып, бірнеше рет сыйлықтармен, Құрмет грамоталарымен марапатталды.

Іскерлік қасиеттері, табандылығы, үлкен практикалық жұмыс тәжірибесі және еңбек қызметінде жоғары нәтижелерге қол жеткізгені үшін «Еңбек ардагері» (Ветеран труда) медалімен марапатталды.

Петропавл филиалының ұжымы әріптестерін дәстүрді жалғастыруға шақырып, мерекемен құттықтайды, табысты жұмыс тілейді!

3135