Singapore Airlines ақша табудың жаңа тәсілін ойлап тапты

Салынған уақыты 16.10.2020 16:10

АТО порталына сәйкес, қызмет көрсету деңгейімен танымал болған,  ішкі нарығы мүлдем жоқ сингапурлық Singapore Airlines (SIA) ұлттық тасымалдаушысы халықаралық әуе қатынасын шектеу жағдайында өз жанкүйерлеріне Airbus A380 бортында жерде, Чанги әуежайында тамақтануды, тасымалдаушының жаттығу орталығына баруды немесе Singapore Airlines стиліндегі кешкі асты өз үйінде өткізуді ұсынды.

A380@Changi мейрамханасы әлемдегі ең үлкен жолаушылар ұшағы — екі палубалы Airbus A380-де эксклюзивті түскі ас ішуді ұсынады. Келушілер әртүрлі класстағы арнайы мәзірден тағамдар таңдай алады; сонымен қатар, әуе кемесінің тіпті жолаушылардың көпшілігі үшін жабық бөлмелеріне экскурсиялар жасап, арнайы сувенирлер сатылатын бутиктер аралай алады. Түскі ас бағасы экономкластағы жеке кабинада 50 Сингапур долларынан 600-ге дейін өзгереді. Ас құнын әуе тасымалдаушысының бонустық миляларымен төлеуге болады.  

Singapore Airlines жобасы аясында бүкіл отбасы үшін SIA оқу-жаттығу орталығына эксклюзивті экскурсия ұсынылады. Келушілер SIA-ның 70 жылдық тарихына экскурсия жасай алады, авиакомпанияның ұшқыштарымен және бортсеріктерімен сөйлесе алады. Экскурсия ересек адам үшін 32 Сингапур доллары, ал балалар үшін 16 доллар. SIA@Home қызметі Singapore Airlines авиакомпаниясымен үйден шықпай-ақ түскі ас ішкісі келетін клиенттердің талғамына сай келеді. Олар 10 түрлі мәзірден бірінші және бизнес-класс үшін эксклюзивті тағамдарды таңдай алады. Пакеттер бизнес-кластағы түскі ас үшін 288 Сингапур долларынан және бірінші кластағы түскі ас үшін 448 доллардан басталады. Қызметтің үш нұсқасы да авиакомпанияның KrisShop адалдық бағдарламасының веб-сайтында алдын-ала брондау арқылы қолжетімді, слоттардың саны шектеулі.

Бір реттік қысқа тур немесе «бағыты белгісіз ұшу» идеясы бастапқыда қарастырылды, бірақ қарастырылғаннан кейін жүзеге асырылмады.

2971