IATA карантиннің орнына шетелдік рейстердің алдында COVID сынақтарын енгізуді ұсынады

Салынған уақыты 14.10.2020 08:38

Халықаралық әуе көлігі қауымдастығы (IATA) шетелге ұшатын барлық жолаушылар үшін COVID-19 тестін енгізуге шақырады. Мұндай шешім басқа елге ұшып келгеннен кейін жолаушылар өтуге міндетті карантиндік шектеулерге балама ретінде ұсынылды. Бұл IATA халықаралық әуе тасымалының тезірек қалпына келуіне ықпал етеді деп санайды Интерфакс.

«Шекарадан өту еркіндігін қалпына келтірудің кілті жолға шығу алдында барлық саяхатшылардың COVID-19-ға жүйелі тексерілуі болып табылады. Бұл үкіметтерге сапарларға қойылған ережелерді үнемі өзгертуді қамтитын күрделі тәуекел модельдерінсіз өз шекараларын аша алатындығына сенімділік береді. Барлық жолаушыларды тестілеу адамдарға сенімділікпен саяхаттау еркіндігін қайтарады. Бұл миллиондаған адамдарды жұмысына қайтарады», - деді IATA бас директоры Александр де Джуниактың сөзін келтірген баспасөз қызметі.

Елдер COVID-19-бен күресу үшін шетелге әуе қатынасын тоқтатқаннан бері алты айдан астам уақыт өтті. Содан бері олардың кейбіреулері шекараны ашты, бірақ оның әсері шектеулі болды деп хабарлайды IATA. Ұшып келу бойынша карантиндік шаралар сапарларды тиімді емес етеді, ал кейбір елдерде COVID-19-ға қарсы шараларға енгізілетін жиі өзгертулер сапарды жоспарлауға мүмкіндік бермейді. Жедел тесттерді жылдам енгізу үшін IATA Халықаралық азаматтық авиация ұйымымен (ІСАО) және денсаулық сақтау органдарымен ынтымақтастық орнатуды жоспарлап отыр делінген хабарламада. «Ковидтік» шектеулерге байланысты әлемдік әуе тасымалы биыл шамамен 400 миллиард доллар кірістен айырылады, жалпы шығын 80 миллиард доллардан асады деп күтілуде екенін еске салады ұйым.

2840