Airbus сутегі отынын қолданатын үш концептуалды ұшақты ұсынды

Салынған уақыты 06.10.2020 09:32

Airbus 2035 жылға қарай пайдалануға берілетін үш сутегі ұшағын ұсынды. Концепцияларға аймақтық турбовинтті ұшақ, A320neo класты тар фюзеляжды ұшақ және біріктірілген фюзеляжды ұшақ (BWB) кіреді деп хабарлайды АТО порталы.

Барлық концепциялардың негізінде сутекті энергияның басты көзі ретінде пайдалану жатыр. Еуропалық өндіруші сутегі тек аэроғарышта ғана емес, сонымен қатар басқа салаларда да маңызды пайдалану әлеуетіне ие деп санайды. Airbus, барлық ұшақ өндірушілері мен жалпы азаматтық авиация саласы сияқты, авиацияның қоршаған ортаға әсерін азайтуды талап ететін үлкен саяси және қоғамдық қысымға ұшырауда. Кестеге сәйкес Airbus технологияларды  «көкейге қондыруға» өзіне бес жыл (2025 жылға дейін) беріп отыр және 2035 жылғы ұшақты жасау кезінде үш бағыттың қайсысы бойынша дамитынын нақты анықтауға мүмкіндік береді.

«Мен сутекті синтетикалық отында да, коммерциялық авиацияда да бастапқы энергия көзі ретінде пайдалану ұшақтардың экологиялық сипаттамаларын одан әрі жақсарту үшін үлкен әлеуетке ие екендігіне сенімдімін», — деді Airbus Президенті Гуилла Фори. Еуропалық авиация өндірушісі Францияда да, Германияда да сутекті қолдануды зерттеуге бөлінген мемлекеттік қаржыландырудың пайдасын көре алады — мемлекеттік бюджеттен бөлінетін қаражат Airbus және басқа аэроғарыштық компаниялардағы мәжбүрлі жұмыстан шығаруды азайтуға, сондай-ақ авиацияны экологиялық таза етуге арналған. Франция үкіметі сутегі отыны бар ұшақтарls4 2035 жылға қарай пайдалануға берілуін ерекше күтуде.

2993