Қазақстандық авиакомпаниялардың әуе билеттерінің құны 19% төмендеді

Салынған уақыты 16.09.2020 08:38

2020 жылдың алғашқы жеті айында қазақстандық авиакомпаниялар 2,6 млн жолаушы тасымалдады. Бұл бір жыл бұрынғыға қарағанда 43,1% төмен. Шілде айында жолаушылар тасымалы 304,9 мың адамды құрады. Маусым айымен салыстырғанда бұл 36,6% аз болса,  бір жыл бұрынғы Қазақстан Республикасы Ұлттық экономика министрлігі Статистика комитетінің (ҚР ҰЭМ СК) деректерінен 3,3 есе төмен көрсеткіш.

Қаңтар-шілде айларында жолаушылар айналымы 4,3 млрд жкм құрады – бір жыл бұрынғыға қарағанда бұл 2,2 есеге аз. Шілдеде көрсеткіш 467,8 млн ЖКМ құрады. Маусым айымен салыстырғанда бұл 1,8% және өткен жылдың шілде айына қарағанда 4,2 есе төмен.

Биліктің шешімі бойынша 17 тамыздан бастап Қазақстанда аптасына 23 рейс жиілікпен                6 бағыт бойынша 4 елге халықаралық рейстер кезең-кезеңімен жаңартылды: БАӘ (11 рейс), Германия (5 рейс), Беларусь (4 рейс), Украина (3 рейс).

3191