Сауд Арабиясында шөл далада әуежай салынады

Салынған уақыты 03.08.2020 15:37

Сауд Арабиясында дизайны шөл даладағы миражбен рухтандырылған ерекше әуежай салынбақшы. Әуе айлағы елдің Қызыл теңіз маңындағы солтүстік-батыс жағалауында Amaala туристік аймағында пайда болады және өңірдің басты көрікті жерлерінің бірі болады. Бұл туралы Traveller туристік басылымы айтады.

Терминал мен диспетчерлік мұнараның жобасын Foster + Partners Британдық сәулет бюросы әзірлеген. Amaala әуежайы үшін сәулетшілер ерекше пішін ойлап тапты, ал ғимараттың сыртынан қапталған айна панельдерінің арқасында шөл далада пайда болған футуристік мираж елесі жасалатын болады. Барлық жағынан — жерден де, ауадан да – әуе айлағы назардан тыс қалмайды және көз тартарлықтай қызықты болады.

«Әуежай дизайнынан бастап ішкі жарақтандырылуына дейін бірегей жоба болады», — деп атап өтті Amaala бас директоры Николас Неаполь. Терминалдың ішінде қайталанбас өнер туындылары бар заманауи интерьер болады деп көзделуде. Сондай-ақ, аэровокзал аумағында жеке ұшақтар үшін климат-бақылаулы ангарлар мен барлық вип-жолаушылар үшін жерүсті трансферін жабдықтау жоспарлануда. Алдын ала мәлімет бойынша, әуежай 2023 жылға қарай салынуға тиіс. Әуе айлағы жыл сайын 1 млн адамға қызмет көрсететін болады.

1105