Turkish Airlines дәрігерлерге 40% жеңілдік ұсынбақ

Салынған уақыты 26.06.2020 09:50

Turkish Airlines авиакомпаниясы әлемнің барлық медицина қызметкерлеріне билет сатып алуға 40% жеңілдік жасады. Бұл туралы компанияның баспасөз қызметі клиенттеріне пошта арқылы хабарлады.

Акция авиатасымалдаушының барлық рейстеріне жарамды екені айтылады . Жеңілдікпен билеттерді медицина қызметкерлері өздері үшін және олармен саяхаттайтын үш отбасы мүшесіне сатып ала алады. Ол үшін 18 шілдеге дейін компания сайтында тіркеліп, Miles&Smiles бағдарламасының қатысушысы болу және медициналық қызметкердің арнайы формасын толтыру қажет. Осыдан кейін барлық тіркелген адамдар жарнамалық кодты алады. Билеттерді 8 маусым мен 1 тамыз аралығында сатып алу керек. Ұшуға болатын күндер — 2020 жылғы 8 маусымнан бастап 2021 жылғы 31 мамырға дейін.

Акцияның мақсаты – өз өмірлерін тәуекел ете отырып, пандемиямен ерлікпен күресіп жүрген денсаулық сақтау қызметкерлеріне құрмет пен алғыс білдіру.

1022