Emirates авиакомпаниясы рейстерін қайта жалғастырып, жолаушыларына гигиеналық құралдар топтамасын үлестіруде

Салынған уақыты 10.06.2020 16:27

Emirates авиакомпаниясы коронавирустың салдарынан ұшу бағдарламасы тоқтатылғаннан кейін алғашқы жолаушылар рейстерінің жаңартылғаны туралы хабарлады. Жаңадан орындалатын маршруттар қатарына әзірге 9 бағыт кіреді.

Көлік қатынасы жаңғыртылған елдердің қатарына Ұлыбритания, Германия, Франция, Италия, Испания, АҚШ, Канада, Австралия кірді. Тасымалдаушының өкілдері барлық клиенттер жеке қорғаныс құралдарымен қамтамасыз етілетіндігін мәлімдеді. Оған бетперделер, қолғаптар, антибактериалды сулықтар және антисептик кіреді. Тасымалдаушы клиенттері Дубай халықаралық әуежайында гигиеналық құралдар топтамасын ала алады.

«Emirates әрбір сапар кезінде өз клиенттерінің және қызметкерлерінің денсаулығы мен қауіпсіздігін қамтамасыз ету үшін кешенді тәсілдер қолданады», — дейді авиакомпанияның бас операциялық директоры Адель аль Редха. Сонымен қатар, Emirates ұшақ бортындағы қауіпсіздік шараларына да баса назар аударды. Экипаж арнайы қорғаныс киімімен жабдықталған. Бортсерік әр 45 минут сайын дәретхана бөлмелерін антисептикалық ерітінділермен сүртеді. Плед, жастықтар, құлаққаптар клиенттерге жабық пакеттерде беріледі. Бортқа журналдар мен басқа да әдебиеттер әкелуге уақытша тыйым салынады.

3329