Әлем бойынша 2020 жылдың үздік әуежайлары анықталды

Салынған уақыты 27.05.2020 12:23

11 мамырда жыл сайынғы World Airline Awards-2020 халықаралық сыйлығы аясында әлемнің үздік әуежайлары анықталды. Бірінші орынды сегізінші жыл қатарынан Сингапурдың Чанги әуе айлағы иеленді. Сондай-ақ, көшбасшылар үштігіне Ханэда (Токио, Жапония) және Хамад (Доха, Катар) аэровокзалдары да кірді, деп жазады Traveller туристік басылымы.

Skytrax зерттеу тобы ұйымдастырған сыйлық онлайн-форматта өтті.  Бастапқыда марапаттарды Париждегі Passenger Terminal Expo көрмесінде табыс ету жоспарланды, алайда барлық қоғамдық іс-шаралар коронавирустың өршуіне байланысты кейінге қалдырылды. Сондықтан биылғы жылдың жеңімпазы YouTube платформасында өткен трансляция барысында бейнебайланыс арқылы жарияланды.

Естеріңізге сала кетейік, World Airlines Awards сыйлығына дауыс беру клиенттердің әуежайлардағы сервистер туралы интернет-сауалдарына негізделген. Марапаттар бүкіл әлем бойынша аэровокзалдарға табыс етілді. Зерттеу 2019 жылдың қыркүйегінен 2020 жылдың ақпанына дейін жүргізілді. Айта кетейік, рейтингтің алғашқы ондығына Инчхон, Мюнхен, Гонконг, Токио, Токонамэ, Амстердам және Кансая аэровокзалдары кірді.  «Үздік әуежай» аталымынан басқа «Әлемнің ең таза әуежайы» (Ханэда, Токио), «Әуежайдағы әлемнің үздік отелі» (Crowne Plaza, Чанги, Сингапур) және т. б. санаттары бойынша жеңімпаздар анықталды.

3363