Аэронавигациялық ақпарат қызметі күнімен!

Салынған уақыты 15.05.2020 15:10

ИКАО Кеңесі аэронавигациялық ақпарат қызметтеріне арналған стандарттар мен ұсынымды практиканы алғаш рет 1953 жылдың 15 мамырында қабылдаған болатын.

Әлемдік авиациялық қауымдастық сол уақыттан бері 15 мамырды Дүниежүзілік аэронавигациялық ақпарат қызметі күні ретінде атап өтеді.

Аэронавигациялық ақпарат қызметі негізгі авиациялық қызмет болып табылады, оның мақсаты – ұшу қауіпсіздігін, тұрақтылығын және тиімділігін қамтамасыз ету үшін қажетті ақпарат беру.

Қазақстанда Аэронавигациялық ақпарат қызметі «Қазаэронавигация» РМК-ның құрылымдық бөлімшесі болып табылады. Қызмет ұшу схемаларын, әуеайлақ карталарын әзірлейді, НОТАМ шығарады және e-AIP электрондық жинағын жүргізеді. Қазақстанның аэронавигациясын дамыту бойынша барлық жобаларға қатысады.

Кәсіби мерекелеріңізбен, әріптестер!

4156