ruenkz

Air France жалға беру үшін Airbus A320 тобының 16 ұшағын сатады

Салынған уақыты 13.05.2020 12:03

Өзінің қаржылық жағдайын нығайтуға және көбірек қаражат алуға ниеттенген Air France авиакомпаниясы өзінің он алты A320 ұшағын сату және лизингке беру туралы келісім жасамақшы. CH-Aviation сәйкес, бұл алты A319-100 және он A318-100 ұшағынан тұратын болады. Сату және жалға алу әрекетін авиакомпаниялар жаһандық дағдарыстан шығуға тырысқан кезде жиі байқаймыз.

Дерек көздері Air France FTAI Aviation жаһандық жалға берушімен сату және лизинг туралы келісімге қатысатынын хабарлайды. Бұл келісім тұтастай алғанда француздық тасымалдаушының тар шанақты 16 Airbus ұшағын қамтитын болады.

Жалға берушінің мәлімдемесіне сәйкес, мәміле нақты алты A319-100s және он A318-100s («baby bus» деп те айтылады) қамтиды. Барлық ұшақтар CFM International CFM56-5B қозғалтқышымен жабдықталған.

Мәміле осы айдың соңында аяқталады деп күтілуде, жалдау уақытынң орташа ұзақтығы 34 айды құрайды. Келісімшарттың нақты құны құпия сақталуда. Жалпы алғанда, A318-100s ұшағының 18 данасы да Air France авиакомпаниясына тиесілі. Сонымен қатар, авакомпания өз флотындағы 33 A319-100s ұшағының 20-сының иесі болып табылады.  Сату және лизинг осы жаһандық дағдарыс жағдайында үйреншікті терминге айналып отыр.

Сату және жалға беру ақыр соңында ұзақмерзімді перспективада авиакомпания үшін неғұрлым жоғары шығыстардың болатынын білдіреді, ал мұндай келісімнің шынайы құны - бұл уақыт. Авиакомпания өзінің ең бағалы активтерін жалға берушіге сатқан кезде, ол осы күрделі қаржылық белгісіздік кезеңінен өту үшін уақытты ұтады. Жиналған қаражат есебінен авиакомпаниялар қысқамерзімді перспективада өздерінің жедел шығыстарын жаба алады. Бұл тұрақта тұрған әуе кемелеріне техникалық қызмет көрсетуді және әкімшілік үстеме шығыстарды қамтиды.

850