ruenkz

Хитроу әуежайы бір ғана ұшу-қону жолағын пайдаланатын болады

Салынған уақыты 17.04.2020 16:16

Әдетте Хитроу Лондон әуежайы Еуропаның әуе қозғалысы қарқынды әуежайы болып табылады. COVID-19 пандемиясына байланысты оның көптеген операциялары қысқартылды. Бұрын хабарланғандай, әуежай ұшу-қону жолағын пайдалануды әдеттегі екі жолақтан бір ұшу-қону жолағына дейін қысқартады. 

Business Traveller хабарлауынша, әуежай  бір рет бір ғана ұшу-қону жолағын пайдалануды жоспарлап отыр. Дегенмен, қандай ҰҚЖ пайдаланылатыны әр апта сайын өзгеріп тұрады. Хитроу әуежайының Бизнес Traveller берген мәлімдемесінде былай делінген:

«Хитроу әуежайы әріптестері, жолаушылар мен олардың жүктері үшін тұрақтылық пен қауіпсіздікті арттыру үшін уақытша шара ретінде бір ҰҚЖ-да жұмыс істеуге көшеді. Осы жаңа операция аясында біз апта сайын ұшу-қону жолақтарын кезекпен пайдаланатын боламыз және жергілікті халыққа бұрынғысынша кейінге қалдыру мүмкіндігін беретін жаңа балама кестені жариялайтын боламыз».

Әуежай қазіргі уақытта рейстер саны едәуір қысқарғанымен, «осы бұрын-соңды болмаған індет кезінде ұлт үшін өмірлік маңыза бар медициналық тауарлар мен тамақ өнімдерімен» қауіпсіздікті қамтамасыз етудегі өзінің негізгі рөлін атқаруды жалғастыру үшін ашық болып қала береді. Шын мәнінде, Хитроу Ұлыбританияның фармацевтикалық өнімінің 41%-ы  қозғалысы қарқынды осы Лондон әуежайы арқылы импортталады дейді.

«COVID-19-дың таралуы қайғылы жағдайларға алып келіп, бүкіл әлемдік авиация саласына айтарлықтай әсер етуде. Тиімді басқару мен инвестициялар салу соңғы он  жылда Хитроу әуежайын тұрақты қаржылық жағдайға шығарады. Біз шығын базасын қысқарту және қызметімізді қайта құру бойынша қадамдар жасадық, бұл бізге британдық орталық әуежайдың жұмысын қолдауға және осы дағдарыстың бүкіл кезеңінде жабдықтаудың өмірлік маңызды желілерін қорғауға көмектеседі. Біз жоғары рейтингімізді қалпына келтіру бойынша жұмыстарымызды жалғастыратын боламыз», - деді Хитроу әуежайының қаржы директоры Хавьер Эчаве.

Әдетте Еуропаның қозғалысы қарқынды әуежайына халық сыймай жататын, ал оның екі ұшу-қону жолағы қауіпсіздікті барынша қамтамасыз ету үшін пайдаланылатын. Операциялар қарқынының осы күнгі деңгейге дейін баяулауы таңқаларлық жайт.

Өткен жылы Хитроу үшінші ұшу-қону жолағын жоспарлау жолында бірқатар жұмыстар атқарған болатын. Бұл мега жобаның қарама-қайшы тұстары да болды, алайда жобаны қолдаушылар  Ұлыбританияның экономикасы үшін оның маңызды шара екенін мәлімдеді. Қазір, пандемияның ушыққан тұсында және жаһандық экономикалық құлдырауға жақын кезеңде бұл жобаның ілгері жылжуы екіталай шығар.

751