Etihad әуежайда жанасусыз жүргізілетін медициналық скринингті тестілеуде

Салынған уақыты 15.04.2020 17:24

Etihad Airways жаңа жанасусыз технологияны сынап көруде. Ол медициналық көрсетілімдері бар жолаушыларды, тіпті коронавирусты ерте сатысында анықтауға көмектеседі.

Тасымалдаушы Абу-Дабидегі өз орталығында осы айдың соңында жаңа тұжырымдаманы сынап көру үшін Elenium Automation австралиялық технологиялық компаниясымен бірігіп жұмыс істеуде.

Технология «тіркеу, иммиграция немесе багажды тапсыруды қамтитын әуежайдағы байланыс нүктесін пайдаланатын кез келген адамның температурасын, пульсін және тыныс алу жиілігін бақылай алады.

Жолаушыда ауру белгілері болған жағдайда жүйе жүктің келуін тіркеуді немесе тапсырылуын автоматты түрде тоқтатады. Содан кейін ол телеконференцияға ауысады немесе одан әрі баға бере алатын және қажет болған жағдайда жолаушыны басқара алатын сондағы білікті персоналды хабардар етеді», - деп қосады Etihad.

Дегенмен, тасымалдаушы оны медициналық диагноз қоюдың көмекші құралы деп тікелей атай алмайды.

Etihad авиавомпаниясының Транзиттік орталықтар, құрылыс және пайдалану жөніндегі вице-президенті Йорг Опперманн: «Бұл технология жағдайын әрі қарай медициналық сарапшылар бағалап, жағдайының түрлі бағыттағы рейстерге отыруға дайындалып отырған басқа адамдарға таралуын болдырмайтын,  аурудың ортақ белгілері бар адамдарды сәйкестендіруге көмектесетін ерте ескерту индикаторын қамтиды».

Elenium сондай-ақ хэндс-фри (жанасусыз) технологиясын әзірледі, ол жеке қызмет көрсетудің белгілі бір міндеттерін орындау үшін сөйлеуді тануды пайдаланады. Оның айтуынша, бұл вирусты немесе бактериялық инфекцияның берілу мүмкіндігін мейлінше азайтады.

Технологиялық фирманың бас атқарушы директоры Аарон Хорнлиманн былай дейді: «Жүйе әрбір адамды, оның ішінде бір тізім бойынша бірнеше адамды тексереді. Бұл технология сондай-ақ әуежайдың кез келген терминалында немесе багажды тапсыру орнында жаңартылуы немесе жолаушылардың деректерін өңдеу пунктінде, мысалы, көші-қон мәселелері жөніндегі бюрода тікелей өзара іс-қимыл жүйесі ретінде орнатылуы мүмкін».

3397