ruenkz

Қағаз төлқұжаттар жақында қолданылмайтын болады

Салынған уақыты 26.03.2020 13:20

Сарапшылардың айтуынша, қағаз жеке куәліктері жақында өткеннің еншісінде қалады, ал саяхатшылардың ұшаққа отыру алдында төлқұжат алу үшін сөмкені ашуы қажеті болмайды. Бұл туралы Travel and Leisure жазады. Халықаралық әуе көлігі қауымдастығының (IATA) мәліметтері бойынша, жолаушылардың 45% өздерінің дәстүрлі құжаттарынан бас тартуға және оның орнына биометриялық сәйкестендіру технологиясын пайдалануға дайын.

Адамды бірнеше жолмен анықтау ұсынылады. Жеке тұлғаны анықтау нұсқалары саусақтардың іздерін, алақандарды, көздің шатырша қабығын немесе бетті сканерлеуден бастап адамның жүрек соғу, дауыс, жүру немесе оның иісі негізінде оны сәйкестендіргенге дейін түрленеді. Авиакомпаниялар мен әуежайлар бүгіннің өзінде адамды сканерлеуге артықшылық беріп отыр. Бүкіл әлем бойынша әуежайларда биометриялық сәйкестендіруге арналған машиналар ай сайын пайда болып жатыр, — деп жазады басылым.

Швейцарияның Sita ақпараттық ұйымының мәліметтері бойынша, 2021 жылға қарай авиакомпаниялардың 71% мен әуежайлардың 77% биометриялық сәйкестендіргіштерді зерттеу мен әзірлеудің ірі бағдарламаларын іске қосуды жоспарлап отыр. Бұл ретте олардың көпшілігі төлқұжаттардан біртіндеп бас тартуды жоспарлайды. SITA есебіне сәйкес, әзірше бақылаудан өтудің биометриялық жеке куәлік пен жол жүру құжаттарының комбинациясымен жұмыс істейтін автоматты жүйесін енгізу ойда бар. Сонымен қатар, мамандардың айтуынша, 2021 жылға қарай әлемдегі әуежайлардың шамамен 47% өзінің барлық бақылау-өткізу пункттерінде биометриялық сәйкестендіру технологиясын іске қосады.

858