Кәсіби дайындау орталығының нұсқаушылары «IATA Training» оқу орталығында даярлықтан өтті

Салынған уақыты 28.02.2020 16:27

«Қазаэронавигация» РМК Кәсіби дайындау орталығы нұсқаушы қызметкерлерді даярлауға ерекше көңіл бөледі және осы мақсатта әлемнің жетекші оқу орталықтарымен және халықаралық ұйымдармен жұмыс істейді.

2020 жылғы 05-07 ақпан аралығында біліктілікті арттыру мақсатында Кәсіби дайындау орталығының 2 нұсқаушысы Сингапурдағы «IATA Training» оқу орталығында «Train the trainers/Авиациялық оқу орталықтарының нұсқаушыларын даярлау» курсы бойынша даярлықтан өтті.

Бұл курс нұсқаушыларға авиациялық персоналды даярлаудың жаңа тәсілдері мен әдістерін білуге, оқыту дағдыларын жетілдіруге, оқу материалын әзірлеу кезінде түрлі құралдар мен тәсілдерді қолдануға мүмкіндік береді.

Курсқа БАӘ, Шри-Ланка, Сингапур, Непал және Ливиядан келген нұсқаушылар да қатысты, бұл практикалық тәжірибемен алмасуға және авиациялық персоналды даярлаудың әлем бойынша бірыңғай тәсілін енгізуге жақсы мүмкіндік болды.

3498