Канадада ұшаққа отыруға арналған алғашқы «жол жүру» билеттері пайда болды

Салынған уақыты 19.02.2020 16:40

2020 жылдың 13 ақпанынан 13 мамырына дейін канадалық лоукостер Flair жаңа өнімді сынап көруде. Авиакомпанияның жолаушылары 500 канадалық доллар тұратын арнайы рұқсат қағазын сатып алып, шектеусіз саяхаттай алады. Бұл туралы тасымалдаушының баспасөз қызметі хабарлайды.

Лимитсіз рейстердің алдын ала төленген пакеті Go Travel Passes атауын алды және 2020 жылдың ақпан айынан бастап мамыр айына дейін қолданылады. Өзіндік жол жүру билеті ел ішінде жиі ұшуға мәжбүр студенттер немесе шағын бизнес иелеріне арналған, бірақ Go Travel Passes 12 жастан асқан кез келген жолаушы сатып ала алады. Жол жүру билеті тек ұшу құнын ғана жабатынын ескеру керек. Қосымша алымдар (мысалы, отын) мен салықтарды жолаушы бөлек төлеуге тиіс.

Flair Airlines коммерциялық директоры жаңа өнімнің енгізілуіне түсініктеме берді: «Біз әуе көлігімен саяхатты барынша жайлы, қолжетімді және барлығы қалайтындай болғанын қалаймыз». Жол жүру билеті екі нұсқада қолжетімді. Арзанырақ нұсқасы 499 канадалық доллар тұрады және ұзақ демалыс, сондай-ақ жұма және жексенбі күндерін қоспағанда 90 күн ішінде ел ішінде саяхат жасауға мүмкіндік береді. 699 канадалық доллар үшін жолаушы кез келген уақытта лимитсіз ұшу және әр рейсте бір чемоданды тегін алып өту мүмкіндігін алады. Егер акция танымал болса, оны әлемге әйгілі басқа авиакомпаниялар да енгізе алады, бұл әлем жолаушылары үшін қолайлы мүмкіндік болмақ.

3158