FlyArystan Алматыдан Көкшетауға қатынайтын рейс ашпақшы

Салынған уақыты 13.02.2020 10:57

Екі сағаттық ұшу аптасына үш рет орындалатын болады

FlyArystan 12 наурыздан бастап Алматы – Көкшетау бағытындағы жаңа тұрақты рейсін іске қосады, деп хабарлайды авиакомпанияның баспасөз қызметі.

Екі сағаттық ұшу 180 орындық Airbus A320 әуе лайнерінде аптасына үш рет орындалады, билеттер flyarystan.com сайтында сатылымда.

Бір жаққа ұшудың ең төменгі құны 8 999 теңгені құрайды, бұл осы әуе қатынасы бойынша бәсекелестердің бағасынан 64% - ға төмен.

«Көкшетау – қарқынды дамып келе жатқан өңір орталығы ғана емес, шетелде танымал болған жергілікті курорттарға  ең жақын қала. Астана арқылы Алматыдан Бурабай, Зеренді, Щучинскіге жету ыңғайсыз әрі ұзағырақ, ауысып отыруды ескерсек қымбат та. Біз тікелей рейстердің арқасында саяхатшылар оңтүстік астанадан Көкшетауға, одан әрі аймақтарға оңай ұшып жететініне сенімдіміз», – деп атап өтті FlyArystan сату және маркетинг жөніндегі директоры Жанар Жайлауова.

FlyArystan маршруттық желісін кеңейту Алматыдағы әуежай базасында әуе флотын үшінші Airbus A320 бортымен толықтыру арқылы қол жеткізілді.

3494