Ресей әуежайларында ұшуды цифрлық бақылау жүйесі іске қосылады

Салынған уақыты 11.02.2020 15:24

Ресейлік әуе айлақтары ұшуды цифрлық бақылау жүйесіне көшеді. Әуежайларда "Альманах" көппозициялы бақылау жүйесі енгізілуде, деп хабарлады «Цифровые радиотехнические системы» ҒӨК.

Хабарланғандай, жаңа әзірлемелермен Санкт-Петербургте, Новосибирскіде, Минералды суларда, Екатеринбургте, Қазанда, Түменде, Самарада сегіз аэровокзал жабдықталған. Биылғы жылы "Альманах" Саратов, Челябинск, Краснодар, Владивосток және Хабаровскіде пайда болуы тиіс. Операторларда ұшып келетін және ұшып шығатын әуе кемелерін ғана емес, сонымен қатар әуежайда жұмыс істейтін барлық жердегі көлікті бақылау мүмкіндігі пайда болды.

Мұндай мәліметтер диспетчерлерге жағдайды толық көлемде бақылауға көмектеседі. Әуе айлағының жұмысы және нашар ауа райы жағдайында ұшақтарға қызмет көрсету үшін цифрлық жаңалық өте маңызды. Лайнерлер тік көріну шамасы 30 метр және көріну шамасының қашықтығы 300 метр болғанда қонуы мүмкін. Мұндай параметрлер ИКАО-дан (Халықаралық азаматтық авиация ұйымы) қонуға дәл кірудің екінші санатының талаптарына сәйкес келеді.

3174