Qatar Airways Дохадан Қазақстанға ұшатын болады

Салынған уақыты 24.01.2020 14:26

Qatar Airways авиакомпаниясы биылғы жылдың көктемінде Қазақстанға екі жаңа ұшу бағдарламасын ашуды жоспарлап отыр.

Доха - Нұр-Сұлтан бағытындағы тұрақты рейстер 30 наурызда, ал Дохадан Алматыға ұшу 1 сәуірде басталады. Бірінші бағыт бойынша аптасына екі рейс, екінші бағыт бойынша — төрт рейс жасалады. Жолаушыларды «Эйрбас» A320 әуе кемелері тасымалдайды. Билеттерді сату 16 қаңтарда басталады.

Qatar Airways баспасөз қызметінің хабарлауынша, жаңа рейстердің ашылуы қазақстандық жолаушыларға Катар тасымалдаушысының 160 бағыты бойынша саяхат жасауға мүмкіндік береді.

Естеріңізге сала кетейік, бұған дейін Қазақстан билігі елге Qatar Airways, Emirates, China Eastern, «Уральские авиалинии» авиакомпаниялары ұшатынын және ресейлік «Победа»  лоукостері қайтып келетінін мәлімдеген болатын.

3527