Hong Kong Airlines авиакомпаниясы қызметін тоқтатуы мүмкін

Салынған уақыты 08.01.2020 16:13

Гонконгтағы көлемі бойынша үшінші болып саналатын Hong Kong Airlines авиакомпаниясы жақын арада өзінің қаржылық жағдайын шұғыл жақсарта алмаса, аптаның соңына дейін жолаушылар тасымалдау лицензиясынан айырылуы мүмкін. Мұндай шешімді Гонконгтың Air Transport Licensing Authority (ATLA) авиациялық реттеушісі қабылдауы мүмкін.

Bloomberg ақпараттық агенттігінің мәліметтері бойынша, Гонконгтың көлік басқармасы (Transport and Housing Board, THB) авиакомпанияның қаржылық жағдайының жақсармауына байланысты "айтарлықтай көңілі толмайтынын және қауіптене қабылдағанын" білдірді. Мұнымен үшінші реттеуші — Гонконгтың азаматтық авиация басқармасы да келіседі.

Қазіргі уақытта HNA Group қытай холдингіне тиесілі Hong Kong Airlines Ванкуверге, Хошимин мен Тяньцзиньге ұшуларын тоқтатқаны туралы мәлімдеді. Авиакомпанияның қаржылық мәселелері Гонконгтағы жаппай наразылықтармен күрделене түсті, соның салдарынан қалаға тасымалданатын жолаушылар саны күрт қысқарды. Hong Kong Airlines-тен басқа, қаржылық көрсеткіштері бойынша күрделі жағдай Cathay Pacific Airways компаниясында да байқалады, ол проблемаларды тасымалдау сыйымдылығын қысқарту арқылы шешуді жоспарлап отыр.

3736