Салынған уақыты 06.01.2020 10:04

«Қазаэронавигация» РМК Атырау филиалы үш қызметкерді сый-құрметпен құрметті зейнеткерлік демалысқа шығарып салды.

РТЖБП қызметінің бастығы Граф Владимир Давыдович өмірінің 44 жылын азаматтық авиация саласындағы жұмысқа арнады.

Жұмыс жасаған жылдары өзін жоғары білікті және сауатты маман, көзі қарақты, әрі түсінігі мол сұқбаттас, қарапайым жақсы адам ретінде көрсете білді.

Азаматтық авиацияда үздіксіз мінсіз жұмыс жасағаны, жоғары кәсіпқойлығы үшін «Құрметті авиатор», «20 жыл Қазаэронавигация РМК» және «Ерен еңбегі үшін» төсбелгісімен марапатталды, құрмет грамоталары мен алғыс хаттарымен көтермеленілді.

Жақында «Қазаэронавигация» РМК-да өткізілген Қазақстан Республикасының Тәуелсіздік күніне арналған салтанатты жиында Индустрия және инфрақұрылымдық даму министрлігінен ұзақ жылдар бойы радиотехникалық байланыс және жабдықты пайдалану мен дамуына қосқан үлесі үшін Құрмет грамотасын алды.

РТЖБП қызметінің жетекші инженері Бөлтеков Сембай Бөлтекұлының байланыс саласындағы жалпы еңбек өтілі 45 жылды, азаматтық авиацияда – 22 жылды құрайды.

Азаматтық авиацияда үздіксіз мінсіз жұмыс жасағаны, жоғары кәсіпқойлығы үшін «Құрметті авиатор» төсбелгісімен марапатталды, құрмет грамоталары мен алғыс хаттарымен көтермеленілді.

Оның тікелей қатысуымен ескі басқару-диспетчерлік пункті ғимаратынан жаңа «Мұнара» диспетчерлік мұнарасымен техникалық ғимаратына радиотехникалық құралдарды көшіру жұмыстары жүзеге асырылды.

ӘШБ тазалаушысы Қанатқалиева Злиха Ибатуллақызы Атырау филиалында 16 жыл үздіксіз жұмыс жасады, жұмыс жасаған жылдары өзінің міндеттерін адал атқарды. Жыл қорытындысы бойынша алғыс хатпен марапатталынды. Бізге тазалық пен тәртіп сыйлағаны үшін оған айтар алғысымыз шексіз.

Атырау филиалының ұжымы жаңадан зейнеткерлікке шығып жатқан әріптестеріне жұмыстарын адал атқарғандары және өз міндеттерін кәсіби жоғары деңгейде орындағандары үшін алғыс айтты. Біздің ұжымда осындай тамаша қызметкерлердің жұмыс жасағандарын жоғары бағалайтындарын жылы лебізбен жеткізді. Құрметті демалыспен құттықтап, келе жатырған жаңа жыл құрметті демалыспен бірге оларға бақыт әкелуін, жаңа күш-жігер алуларын тіледі!