TAP Portugal аукцион арқылы бизнес-классқа орын сата бастайды

Салынған уақыты 20.11.2019 14:27

Tap Portugal португал авиакомпаниясы жаңа қызметті енгізеді. Simple Flying жазғанындай, тасымалдаушы аукцион арқылы бизнес-кластағы сатылмаған орындарды әрбір рейс ұшқанға дейін 24 сағат бұрын сататын болады.

Билеттерді сату аукционы SeatBoost қосымшасы арқылы өткізіледі. Аукцион ұшып шығудан бір тәулік бұрын ашылады және жөнелтуден 60 минут бұрын жабылады. Жеңген қатысушыға тексеру аймағына бірден өте алатын жаңа отырғызу талоны беріледі. Осылайша, TAP Portugal жолаушылары бос орындар мен оларға сұраныстың болуына байланысты өз орындарын бизнес-класқа дейін арттыруға мүмкіндік алады.

Бүгінгі күні TAP Portugal SeatBoost қосымшасын қолданатын алғашқы халықаралық тасымалдаушы болады. Айта кету керек, бизнес-кластағы орындарға өтінім берудің шектелмеген процесі авиакомпания үшін үлкен шығын әкелуі мүмкін. Сондықтан TAP Portugal қаржылық проблемаларды болдырмау үшін аукцион процесіне бірқатар шектеулер енгізді. Мысалы, авиакомпания аукционда қойылған орындарға бастапқы мөлшерлемені дербес белгілей алады. Сонымен қатар, TAP Portugal бонустық бағдарлама аясында қосымша ақы немесе жиналған миль үшін қызмет көрсету класын стандартты арттыру қызметін тоқтатпайды.

3480