Қазақстанның 11 әуежайындағы «ашық аспан»

Салынған уақыты 08.11.2019 09:30

Қазақстанның 11 әуежайына «ашық аспан» режимі енгізілді, деп хабарлайды Tengrinews.kz ИИДМ Азаматтық авиация комитетіне сілтеме жасап.

«1 қарашадан бастап Нұр-Сұлтан, Алматы, Шымкент, Ақтау, Қарағанды, Өскемен, Павлодар, Көкшетау, Тараз, Петропавл және Семей қалаларының әуежайларында «ашық аспан» режимі енгізіледі. Режим рейстер саны бойынша шектеулерді алып тастауды және қазақстандық тасымалдаушылар жүзеге асырмайтын бағыттар бойынша бесінші дәрежелі «ауа еркіндігін» ұсынуды қарастырады», - деп хабарлады комитетте.

«Ауа еркіндігі» бесінші дәрежесі шетелдік авиакомпанияның Қазақстан қалалары арқылы үшінші елдердің қалаларына ұшуды білдіреді.

Режимнің қолданылу мерзімі - одан әрі ұзарту мүмкіндігімен үш жыл.

ААК «ашық аспан» режимі авиатасымалдаушылардың бәсекелестігін арттырып, нәтижесінде авиабилеттердің құнын төмендейтінін атап өтті.

Сондай-ақ, ААК SalamAir авиакомпаниясы 2020 жылы Маскаттан Алматыға ұшуларды орындауды жоспарлап отырғанын хабарлады. Air Astana авиакомпаниясы Джиддуге (Сауд Арабиясы) рейстерін ашуды жоспарлап отыр, аптасына үш рейс, 2020 жылдың І тоқсанында SCAT авиакомпаниясы 2019 жылдың 30 қарашасынан бастап аптасына екі рет Джидду мен Мединаға ұшуларды бастауды жоспарлап отыр. 22 желтоқсанда «Уральские авиалинии» авиакомпаниясы Екатеринбург - Алматы маршруты бойынша рейс ашады. Fly Arystan авиакомпаниясы 13 желтоқсаннан бастап Нұрсұлтан - Мәскеу бағыты бойынша күн сайынғы авиарейстерді орындауды бастайды. Польшалық LOT авиакомпаниясы Варшавадан Нұр-Сұлтанға 2020 жылдың жазынан бастап аптасына жетіге дейін рейстер санын арттырады және 2021 жылы Алматыға рейстерді ашады.

1343