Star Alliance альянсындағы авиакомпаниялар тұлғаны тану жүйесін енгізбекші

Салынған уақыты 02.08.2019 12:37

Германияның Lufthansa және Американың United Airlines авиакомпаниялары басқаратын 28 оператор кіретін Star Alliance жаһандық авиакомпаниялар альянсы ИТ және NEC Corporation желілік технологияларын біріктіру саласында қызмет көрсететін жапондық өнім берушімен «Биометриялық деректер негізінде сәйкестендіру платформасын әзірлеу» туралы келісімге қол қойды, деп хабарлады Ato.ru авиация порталы.

Осы жүйені енгізгеннен кейін Star Alliance клиенттері рейске тіркелуді жүзеге асыра алады, сондай-ақ құжаттарды және отырғызу талондарын көрсетпей күту және қону залдарына өте алады. Бұл мүмкіндікке жолаушыны биометриялық деректердің көмегімен сәйкестендіру технологиясын енгізу арқылы қол жеткізуге болады. NEC-те «жолаушылар тексеру рәсімдері кезінде және төлқұжаттық бақылау пункттерінде өз төлқұжатын көрсетуге міндетті болуы мүмкін» деп атап өтті.

Қызмет альянстың жиі ұшатын жолаушыларына арналған бағдарламалардың бірінде тіркелген және биометриялық деректерді пайдалануға келісім берген клиенттерге қолжетімді болады. Фотосуреттер мен басқа да сәйкестендіру деректері платформада шифрланған түрде сақталады, бұл қауіпсіздікті арттырады. Star Alliance және NEC 2020 жылдың I тоқсанында Star Alliance қатысатын әуежайлардың бірінде алғашқы биометриялық шешімді ұсынуға ниетті.

1228