Каспий теңізінде іздестіру және құтқару оқу-жаттығулары өтті

Салынған уақыты 25.09.2024 13:05

Қазақстанның авиациялық әкімшілігі ҚР Төтенше жағдайлар министрлігінің және ҰҚК Шекара қызметінің қолдауымен Каспий теңізінің акваториясында іздестіру-құтқару операцияларын ұйымдастыру және жүргізу бойынша үйлестіру жаттығуларын өткізді. Іздеу-құтқару операциясы Қазақстанның әуе кеңістігінде өтті, онда біздің еліміз әуе қозғалысына қызмет көрсетуді қамтамасыз етуге жауапты.

Оқу-жаттығуларға Іздестіру және құтқару үйлестіру орталығы (ІҚҰК), «Қазаэронавигация» РМК Атырау филиалының ӘҚҚ қызметі, Астана қ. ТЖМ Стратегиялық жоспарлау және жедел басқару командалық орталығы, ҚР ҰҚК Шекара қызметі, Н. В. Норд Каспиан Оперейтинг компаниясы, «Қазавиақұтқару» АҚ және күштер мен құралдарды күшейту үшін су айдындарында авариялық-құтқару жұмыстары бойынша тәжірибесі бар ҚР ТЖМ ТЖД аумақтық бөлімшесі жұмылдырылды.

Іздестіру және құтқару үйлестіру орталығы «Қазаэронавигация» РМК базасында құрылғанын және Қазақстан аумағында апатқа ұшыраған немесе зардап шеккен әуе кемелері үшін іздестіру-құтқару іс-шараларын жүргізу үшін тартылатын қызметтердің күштері мен құралдарын жедел үйлестіруді қамтамасыз ететінін атап өткен жөн.

Оқу-жаттығу барысында мамандар мүдделі органдардың, ведомстволар мен адамдардың кезекші күштері мен құралдарын құлақтандыру схемасына сәйкес авариялық құлақтандыру элементтерін, сондай-ақ Каспий теңізінің акваториясында шартты түрде апатқа ұшыраған тікұшақ экипажының іздестіру-құтқару операциясын жүргізуді пысықтады. Сондай-ақ, су кеңістігінде ұшу және құтқару кезінде ұшуды іздестіру-құтқаруды қамтамасыз етудегі дағдыларды, тікұшақтың іліну режимінде адамдарды көтеруге және түсіруге арналған жүк көтергіш жүйесі бар іздестіру-құтқару тікұшағы экипажының жұмысын тексерді.

Оқу-жаттығудың басты мақсаты теңізде зардап шеккендерді іздеудің және эвакуациялаудың тиімді әдістерін әзірлеу болды. Каспий теңізіндегі қызметтердің Үйлестірілген әрекеттері іздеу-құтқару операциясын үш сағат ішінде сәтті аяқтауға мүмкіндік берді. Оқу-жаттығуға Атырау облысы ТЖД тікұшақтары, кемелері мен құтқарушылары жұмылдырылды.

Оқу-жаттығулар Каспий теңізінің акваториясын қоса алғанда, бүкіл ел бойынша авиациялық оқиғаларға жедел ден қою деңгейін арттыруға ықпал ете отырып, ұшуларды іздестіру-құтқаруды қамтамасыз етудің ұлттық жүйесінің маңызды элементі болып табылады.

851