IATA азаматтық авиацияны дамыту басымдықтарын анықтады

Салынған уақыты 07.06.2019 08:46

Халықаралық әуе көлігі қауымдастығы (IATA) Сеулде өткен жыл сайынғы 75-ші жалпы Ассамблеяның 1-3 маусым аралығында Азаматтық авиацияны дамыту басымдықтарын білдіретін бес қарар қабылдады, деп хабарлайды ato.ru ақпарат көзі. Олар биоотынның экологиялық қауіпсіз түрлерін енгізуге, әуежайларда ұшу мен қонуға арналған слоттар жүйесін үйлестіруге, жолаушыларды биометриялық сәйкестендіруге көшуге және радиометр көмегімен багажды қадағалауға, сондай-ақ мүмкіндігі шектеулі адамдарды авиатасымалдауды жақсартуға қатысты.

Қауымдастық үкіметті көміртегі диоксидінің шығарындыларын азайту схемасын (Carbon Offset and Reduction Scheme for International Aviation, CORSIA) енгізу бойынша жұмысты жалғастыруға шақырады. Бұл қарарды қабылдай отырып, ассамблея әлемдік авиакөлік индустриясының мынадай экологиялық мақсатына назар аударды — 2005 жылғы деңгеймен салыстырғанда 2050 жылға қарай СО2 шығарындыларын 50%-ға қысқарту.

IATA үкіметті әуежайлардың өткізу қабілетінің қысқаруына шұғыл түрде назар аударуға және авиациялық сектормен бірлесіп жұмыс істей отырып, осы тұрғыда шаралар қабылдауға шақырды. Қауымдастықта атап өткендей, бүкіл әлем бойынша 200-ден астам әуежай ағымдағы сұранысты қанағаттандыру үшін жеткілікті өткізу қабілетіне ие емес.

IATA Ассамблеясы RFID (Radio-Frequency Identification) радиожиілік белгілерінің көмегімен багажды қадағалауға дүниежүзілік көшуді қолдады. Ассоциацияда атап өткендей, RFID көмегімен багажды өңдеу 99,98% дәлдікпен жүзеге асырылады, бұл қазір қолданылатын штрих-кодтарға қарағанда айтарлықтай жоғары.

IATA әуежайда ұшу алдындағы ресми шараларды өткізудің барлық кезеңдерінде жолаушыны биометриялық сәйкестендіруге One ID — көшу бастамасын енгізуді жеделдетуге шақырды. One ID жолаушыны қағаз құжаттарын ұсыну қажеттілігінен босатады.

IATA сондай-ақ мүмкіндігі шектеулі адамдарды әуемен тасымалдауды жақсарту жөніндегі қарарды мақұлдады. Қауымдастық үкіметті жаңа заң жобалары мен мемлекеттік бастамаларды қабылдауда мүмкіндігі шектеулі адамдарға қатысты оның негізгі қағидаттарын (IATA Core Principles) пайдалануға шақырды.

Биылғы жылы IATA жыл сайынғы жалпы Ассамблеясына мыңға жуық авиация индустриясының көшбасшылары қатысты.

1356