Boeing 737 MAX ұшуларын жаңа тексерулерге байланысты кейінге қалдыратын болды

Салынған уақыты 29.05.2019 13:49

Қосымша тексерулер бірнеше айға созылуы мүмкін.

«Boeing компаниясы 737 MAX ұшақ моделінің ұшуын жаңартуды кейінге қалдыруда» деп хабарлайды The Wall Street Journal. Мамандардың 737 әуе кемелерінің алдыңғы үлгілерін тексеруі керек екендігі анықталды.

АҚШ-тың Федералды авиациялық басқармасы хабарлағандай, алдыңғы буын Boeing 737 ұшақтарының қауіпсіздігіне күмән жоқ. Бірақ соған қарамастан, ұшқыштар төтенше жағдайларда қолданатын барлық процедураларды мұқият тексеру маңызды. Қосымша тексерулер бірнеше айға созылуы мүмкін.

Эфиопияда 157 адам қаза тапқан әуе апатынан кейін Boeing-737 МАХ ұшақтарын пайдалануға әлемнің 50 елінде, оның ішінде Қазақстанда да тыйым салынды.

Жақында 737 MAX үлгісінің жабдығында ақаулар бар екенін Boeing алғашқы рет мойындады. Сондай-ақ, корпорация осы модель лайнерлеріне арналған ұшу жаттығу құрылғыларының толығымен жаңартылғанын сендіріп айтты.

1202