Қазақстан мен Өзбекстанның аэронавигациялық провайдерлері ынтымақтастықты нығайтуда

Салынған уақыты 23.08.2024 17:17

19 тамызда "Қазаэронавигация" РМК мамандары "Узаэронавигация"орталығы ЖБК өкілдерімен кездесті. Жұмыс кездесуі Ташкентте өтіп, екі күнге созылды. Талқылаудың негізгі тақырыбы әуе қозғалысын басқарудың қолданыстағы бағыттарын оңтайландыру және жаңа бағыттарын енгізу мәселелері болды.

Кездесудің мақсаты - әуе трафигін неғұрлым тиімді бөлуді қамтамасыз ету, ӘҚБ секторларының шамадан тыс жүктелуін болдырмау, сондай-ақ халықаралық авиатасымалдаушылар үшін Қазақстан мен Өзбекстанның әуе кеңістігінің тартымдылығын арттыру.

Кездесу аясында тараптар екі елдің аэронавигациялық қызмет провайдерлері арасындағы ынтымақтастықты нығайтуға бағытталған меморандум жобасын қарады. Осы құжатқа қол қою аэронавигациялық инфрақұрылымды бірлесіп жаңғырту және көрсетілетін қызметтердің сапасын жақсарту жолындағы маңызды қадам болады.

1299