Қазақстанда тамыз айының әр екінші жексенбісінде Құрылысшылар күні атап өтіледі

Салынған уақыты 12.08.2024 10:31

Осы орайда жиналғандарды кәсіби мерекелерімен «Қазаэронавигация» РМК бас директорының орынбасары Ардақ Өтепов құттықтады. Ол өз сөзінде  құрылысшылардың аэронавигация саласында ғана емес, бүкіл ел дамуындағы үлесі зор екенін, олардың еңбегі адам өміріне жайлылық сыйлап, ел игілігіне айналатын мұра екенін атап өтті.

Бұл күні Қазэронавигация және мердігерлік ұйымдардың мамандары Қазақстан Республикасы Өнеркәсіп және құрылыс министрінің құрмет грамоталарымен, сондай-ақ Қазақстан Республикасы Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитеті төрағасының алғыс хаттарымен марапатталды.

Айта кету керек, 2023 жылы құрылыс басқармасының мамандары аэронавигациялық және метеорологиялық жабдықтарды орнату бойынша бірқатар ауқымды жобаларды іске асырды, атап айтқанда:

1. Қостанай, Павлодар қалаларында ILS қондыру жүйелерін орнату;

2. Алматы қаласында DVOR/DME кешенін орнату;

3. Көкшетау, Орал, Семей, Талдықорған қалаларында метеорологиялық жабдықтардың резервтік жиынтықтарын орнату.

1307