Чехия Республикасының Аэронавигациялық қызметімен ынтымақтастық

Салынған уақыты 19.07.2024 17:09

15 шілдеде әуе қозғалысын ұйымдастыру департаментінің директоры Асхат Кесікбаев бастаған «Қазаэронавигация» РМК өкілдері Чехия аэронавигациялық қызметі мен аэронавигация институтына сапармен барды.

Қазақстаннан келген делегацияны Чехияның аэронавигациялық қызметінің атқарушы директоры Радован Окенка және аэронавигация институтының директоры Вацлав Марван қарсы алды.

Қазаэронавигация мамандарын Праганың ӘҚБ АЖ орталығының және Әуе қозғалысы ағындарын басқару орталығының (ATFM) жұмысымен таныстырды. Чехиядағы әріптестер жоспарлау жүйесін, әскери-азаматтық өзара іс-қимылды, кадрларды іріктеу жүйесін енгізу және жоспарлау жөніндегі мамандар даярлау бойынша жұмыс тәжірибелерімен бөлісті.  Қазақстанда ATFM енгізу жоспарланғандықтан Чехия аэронавигациялық қызметі мамандарының тәжірибесі ерекше назарға алынды.

Күннің екінші жартысында «Қазаэронавигация» РМК өкілдері Чехия аэронавигация институтына барды. ATFM курсында әуе қозғалысын жоспарлау мамандарын бастапқы даярлау қажеттігіне байланысты шетелдік орталықтың нұсқаушылары «Қазаэронавигация» РМК үшін бейімделген ATFM бастапқы даярлау бағдарламасын әзірледі.  

Тараптар оқу бағдарламасын талқылап, практикалық дайындықты арттыру, сондай-ақ ұйымдастырушылық тұтастарын жетілдіру бойынша түзетулер енгізді. Қазаэронавигация мамандары Чехияның аэронавигациялық қызметінің өкілдерімен авиациялық персоналды кәсіби даярлау жүйесіндегі өзгерістер туралы ақпаратпен, атап айтқанда бастапқы даярлық сапасын бағалау жүйесін енгізу тәжірибесімен бөлісті.

Кездесу қорытындысы бойынша тараптар авиация саласына ұшу сапасы мен қауіпсіздігін арттыруға бағытталған авиация персоналын даярлау және тәжірибе алмасу саласындағы екіжақты ынтымақтастықты одан әрі дамытуға уағдаласты.

1111