Қазаэронавигацияда кәсіпорынның метеорологиялық қызметтері басшыларының кеңесі өтті

Салынған уақыты 18.07.2024 15:17

«Қазаэронавигация» РМК-да метеорологиялық қамтамасыз ету және ақпарат басқармасының жыл сайынғы кеңесі өтті. Оған «Қазаэронавигация» РМК филиалдары мен алыс жердегі орындардағы метеорологиялық қызметтердің басшылары келді. Жұмыс кездесуіне барлығы 30-дан астам маман, соның ішінде әуе қозғалысын ұйымдастыру, радиотехникалық жабдықты және байланысты пайдалану жөніндегі департаменттердің директорлары қатысты.

Жиналысты бас директордың бірінші орынбасары Фаат Богдашкин ашты. Ол метеорологиялық қызмет мамандарының кәсіби деңгейінің жоғары болуы әуе кемелерінің ұшу қауіпсіздігі мен тиімділігіне ықпал ететінін атап өтті.

Кездесу барысында Дүниежүзілік метеорологиялық ұйымның халықаралық авиациялық оқыту орталықтарында авиациялық метеорологтарды кәсіби даярлау және қайта даярлау курстарын кеңейту мүмкіндігі туралы мәселе қозғалды. Сондай-ақ, метеорологиялық қамтамасыз етуге қатысты ұшу қауіпсіздігі бойынша ішкі аудиттердің нәтижелері айтылды, олардың қорытындысы бойынша оң үрдіс байқалды.

Нәтижесінде мамандар филиалдардың метеорологиялық қызметтерінің басымдықтары мен міндеттерін және 2024-2025 жылдары Қазақстан әуеайлақтарында метеорологиялық жабдықтарды дамыту және жаңғырту жоспарларын айқындады.

879