Қазаэронавигация авиадиспетчерлері ИКАО курсын сәтті аяқтап шықты

Салынған уақыты 16.04.2024 13:00

Үстіміздегі жылдың 1-12 сәуірі аралығында елордада Кәсіби дайындау орталығы мамандарының ұйымдастыруымен ИКАО-ның «Instructional Techniques Training for ATC OJTI and STDI» M-ITP жоспарлы курсы өтті. Курс қорытындысы бойынша Қазаэронавигацияның алты авиадиспетчеріне курстан өткендігі туралы сертификат табысталды.

Аталмыш курс диспетчер-нұсқаушыларды бастапқы даярлауға арналған. Курс сертификатын алғандар нұсқаушы ретінде жұмыс істеуге рұқсат алып, тағылымдамадан өтушілерді жаттығу құрылғысында да, жұмыс орнында да оқыта алады.

Екі апталық курс аясында қатысушылардың теориялық, практикалық білім алып, тағылымдамадан өтушілермен бірлесіп жұмыс істеу барысында қолданылатын жаңа әдістер мен дағдыларды үйренгенін айта кеткен жөн. Оқыту толығымен ағылшын тілінде өтті. Ұйымдастырушылардың айтуынша, бұл курс әуе қозғалысы саласындағы мамандардың кәсіби деңгейін арттырудағы маңызды қадам.

846