«Қазаэронавигация» РМК делегациясы Лангкавиде өткен Азиядағы маршруттарды дамытудың ең ірі көрмесі – Routes Asia 2024-ке қатысты

Салынған уақыты 04.03.2024 18:26

Ағымдағы жылғы 27-29 ақпан аралығында бас директордың орынбасары А.Утепов бастаған «Қазаэронавигация» РМК делегациясы Лангкавиде өткен Азиядағы маршруттарды дамытудың ең ірі көрмесі –  Routes Asia 2024-ке қатысты.
Routes маршруттарды дамыту форумдары – әуе тасымалы индустриясының трендтерін қалыптастыратын жаһандық іс-шара, авиакомпания өкілдерімен, әуежай делегаттарымен, қызмет көрсетушілермен серіктестік қарым-қатынас орнатып, өнімді келіссөздер жүргізетін бірегей алаң. Routes Asia 2024-ке әлемнің түкпір-түкпірінен 300-ден астам делегат қатысты.
Routes – келіссөз жүргізудің қысқа мерзім ішінде нақты нәтижелерге қол жеткізуге мүмкіндік беретін ерекше форматы. Іс-шара бағдарламасында конференциялар, салалық көрме, брифингтер мен семинарлар, түрлі елдердің сарапшыларымен телекөпірлер өткізу көзделген.
«Қазаэронавигация» РМК делегациясы көрме шеңберінде 20-дан астам әлемдік авиакомпаниямен кездесу өткізіп, қазақстандық аэронавигациялық қызмет провайдерінің авиамаршруттар ауқымын кеңейту және маршруттық желіні дамыту мүмкіндіктерімен таныстырды.

1561