«Қазаэронавигация» РМК мен «Азераэронавигация» әуе қозғалысы басқармасы арасында екіжақты ынтымақтастық туралы Меморандумға қол қойылды.

Салынған уақыты 31.01.2024 14:07

Әзірбайжан, Түркия және Орталық Азия елдерінің  CANSO аэронавигациялық органдары басшыларының бірінші саммиті аясында «Қазаэронавигация» РМК мен «Азераэронавигация» әуе қозғалысы басқармасы арасында екіжақты кездесу өтті.

Кездесу барысында Қазақстан мен Әзірбайжанның ұшу қауіпсіздігі және әуе қозғалысын ұйымдастыру саласындағы екіжақты ынтымақтастықты кеңейту, ӘҚҚ органының өткізу қабілетін есептеу әдістемесі, PBN схемаларын есептеу мәселелері талқыланды.

Кездесу қорытындысы бойынша «Қазаэронавигация» РМК бас директоры Нұржан Ахметов пен «Азераэронавигация» әуе қозғалысы басқармасының бас директоры Фархан Гүлиев аэронавигациялық қызмет көрсету саласындағы екіжақты ынтымақтастық туралы Меморандумға қол қойды.

808