Астанада Қазақстан Республикасының Азаматтық авиация қызметкерлері күніне орай спорттық іс-шара өтеді

Салынған уақыты 26.01.2024 15:38

Ағымдағы жылдың 1 ақпанында Қазақстанда алғаш рет жаңа кәсіби мереке – Азаматтық авиация қызметкерлері күні атап өтіледі, оның құрметіне Қазақстан Республикасы Көлік министрлігі авиациялық кәсіпорындары арасында үстел теннисінен ашық турнир өткізеді. Турнир 2024 жылдың 28 қаңтарында өтеді, оған 16-дан астам команда, оның ішінде Қазаэронавигация, Азаматтық авиация академиясы, Астана, Алматы, Шымкент, Ақтөбе, Атырау қалаларының әуежайлары және басқа да отандық әуежайлар мен әуе компаниялар қатысуды жоспарлап отыр. Қазақстан Республикасының Азаматтық авиация қызметкерлері күніне арналған үстел теннисінен ашық турнир салауатты өмір салтын насихаттау, қызметкерлердің дене шынығуын қалыптастыру және азаматтық авиация қызметкерлері арасында командалық рух пен ұйымшылдықты нығайту мақсатында өткізіледі.

1195