Turkish Airlines авиакомпаниясы 355 Airbus ұшағын сатып алуды жоспарлап отыр

Салынған уақыты 30.11.2023 16:21

Түркияның ұлттық тасымалдаушысы Turkish Airlines еуропалық Airbus авиакомпаниясының 355 ұшағын сатып алуға ниетті. Осы партиядан алғашқы лайнерді жеткізу 2026 жылға жоспарланған, деп хабарлады Turkish Airlines Директорлар кеңесінің басшысы Ахмет Болат.

«Біз 355 ұшақ сатып алуды жоспарлап отырмыз, оның 240-ы түпкілікті негізде және 114-і опциондық негізде. Алғашқы жеткізілім 2026 жылы болады деп күтілуде».

Оның айтуынша, жобаны жүзеге асырудың арқасында Turkish Airlines өзінің еншілес компанияларымен бірге Ajet және Sunexpress ұшақтар паркін 950-ге дейін ұлғайтады және әлемдегі ең ірі жеті авиатасымалдаушыға кіреді. «АҚШ-та үш ірі авиакомпания бар: United, American және Delta. Азияда өзгерістер болып жатыр, нарықтан қанша шығып, қайсысы қалатыны әлі белгісіз. Қытайдың тағы үш ірі компаниясы бар. Lufthansa және Air France біздің артымызда қалды. Біз авиатасымалдау бойынша жеті алыпқа кіреміз», - деп атап өтті Turkish Airlines басшысы.

1536