Бүгін Атырау филиалы метеорологиялық қызметінің 1-санатты инженері Күләш Бәтенқызы Шукатирова 60 жас мерейтойын тойлауда

Салынған уақыты 12.05.2023 15:07

     Күләш Бәтенқызы 1963 жылы 10 мамырда көп балалы отбасында дүниеге келді. Ташкент гидрометеорологиялық техникумын бітіргеннен кейін 1986 жылы Гурьев гидрометеорология обсерваториясына аға техник аэролог болып жұмысқа орналасты. 2008 жылы Әл Фараби атындағы қазақ ұлттық университетін «Метеорология» мамандығы бойынша оқып бітірді. 2000 жылы Атырау қаласындағы Азаматтық авиацияның метеостанциясында жұмысын бастады. Күләш Бәтенқызы осы метеоролог мамандығына барлық өмірін арнады десе де болады, қызметте 41 жылдан астам жұмыс атқарып келеді.

     Әрқашанда жауапты және қатал жан, жаңадан келген жас мамандарға таптырмас жетекші болып, ұстаздық етіп келеді. Күләш Бәтенқызының өмірі жеңіл болған жоқ, жастайынан жесір қалып, екі баласын өзі тәрбиеліп өсірді және оларға жақсы білім бере білді. Жұмыс жасаған жылдары көптеген құрмет грамоталары мен алғыс хаттармен марапатталды.

     «Қазаэронавигация» РМК басшылығы мен ұжымы Күләш Бәтенқызын шын жүректен мерейтойымен құттықтайды!

     Сізге 60 жас! Бұл жас - даналықтың, барлық жанның сыйы мен  құрметіне бөленетін жасы. Қасыңызда әрқашан да сізге қайырлы, қамқор және адал болатын сүйікті балаларыңыз бен немере-жиендеріңіз, жақын жандарыңыз болсын. Денсаулық пен қуаныш басыңыздан кетпесін. Сізге күндей көңіл-күй, тамаша жарқыраған күндерді тілейміз!

1631