«Қазаэронавигация» РМК Ақтау филиалының аумағында дәстүрлі сенбілік өтті

Салынған уақыты 28.04.2023 12:59

Көктемнің шуақты күнінде сенбілік ұйымдастырып, ұжымдасқан түрде айналаны тазарту, абаттандыру «Қазаэронавигация» РМК Ақтау филиалының қызметкерлері үшін дәстүрлі шараға айналды.

Бұл жолы да филиал ұжымы еш лауазымына қарамастан қолға күрек-кетпен алып филиал ауласын күлқоқыстан тазартып, тал-терек отырғызып, ағаштардың түбін қопсытты. Басқа бірі жол жиектерін, арнайы демалыс орындарын бояп, талдарды ақтап, көк желектерді суарып шықты. Айта кетер жайт, филиал ұжымының алғашқы сенбілігінде отырғызылған көшеттер бүгінде жапырақттары жайқалып,саялы ағашқа айналса, енді бірі өткен күзде жемісін беріп, қызметкерлердің ерен еңбегін ақтады.

Бұл жолы да филиал ұжымының сенбілік науқаны барлық техникалық қауіпсіздікке сай, көтеріңкі көңіл күймен өтті. Бұндай іс-шараның тазалықтан бөлек, әріптестердің ауызбіршігіне, ынтымақтастығына тигізер септігі зор.  

Сенбіліктен бөлек филиал басшысының жыл бойына жоспарлаған ұлттық, мәдени, спорттық бағыттағы іс-шаралары көп. Мұның бәрі филиал қызметкерлерінің татулығы, қоғамдағы белсенділігі үшін, келешек жастарға үлгі, насихат мақсатында жоспарланған жұмыстар.

Сәуір 2018 жыл

Сәуір 2023 жыл

1035