Алматыда Авиациялық қауіпсіздік жөніндегі үйлестіру тобының бірінші отырысы өтуде

Салынған уақыты 27.04.2023 14:19

2023 жылғы 27-28 сәуір аралығында Алматыда ИКАО Авиациялық қауіпсіздік жөніндегі оқу орталығының базасында Әзірбайжан, Грузия, Қырғызстан, Қазақстан, Өзбекстан және Тәжікстан  авиациялық билік өкілдерінің қатысуымен авиациялық қауіпсіздік жөніндегі үйлестіру тобының бірінші отырысы өтуде.

Бұған дейін Авиациялық қауіпсіздік және өңірлік ынтымақтастық жөніндегі халықаралық конференция шешімдерінің қорытындысы бойынша конференцияға қатысушылар, азаматтық авиация саласындағы уәкілетті органдардың өкілдері ынтымақтастық бастамасын және авиациялық қауіпсіздік жөніндегі үйлестіру тобын құруды қолдады.

Бұл іс-шара Орталық Азия өңірі мен Кавказ елдерінің Қазақстанның бастамасымен жаңа қауіп-қатерлерге бағытталған екінші кездесуі болып табылады. Авиациялық қауіпсіздік бойынша жүргізіліп жатқан жұмыстар АҚШ-қа тікелей рейстердің ашылуына да ықпал етеді.

Авиациялық қауіпсіздік жөніндегі үйлестіру тобы қатысушы мемлекеттерге ИКАО-ның авиациялық қауіпсіздік жөніндегі жаһандық жоспарының негізгі басымдықтарына қол жеткізуге және ИКАО стандарттары мен ұсынылатын практикасын сапалы енгізуге, өзара ақпарат алмасу және бір-біріне қолдау көрсету арқылы авиациялық қауіпсіздіктің жоғары деңгейіне қол жеткізуге қолдау көрсетудің тиімді тетігі мәселелері жөніндегі кеңесші орган болып табылады.

1314