«Қазаэронавигация» РМК Көкшетау филиалы ұшу басшысы Василий Владимирович Поиданы салтанатты түрде еңбек демалысына шығарып салды

Салынған уақыты 04.04.2023 15:10

Василий Владимирович Азаматтық авиация саласындағы еңбек жолын 1978 жылы Кировоград азаматтық авиация ұшу-штурман училищесін «Ұшақ жүргізу» мамандығы бойынша бітіргеннен кейін бастады. Оның азаматтық авиация саласындағы еңбек өтілі 44 жыл 4 айды құрайды.

1989 жылы АА қозғалыс қызметі диспетчерінің 1-класы берілді. 1980-1981 жылдары Көкшетау авиаотрядының комсомол комитетінің хатшысы болып сайланды.

1996 жылғы 01 шілдеден бастап «Қазаэронавигация» РМК Көкшетау филиалы құрылған күннен бастап Василий Владимирович әуе кемелерінің қозғалысын тікелей басқаруды жүзеге асыратын аға диспетчер және 2016 жылдан бастап ӘҚҚ қызметінің ұшу басшысы болып жұмыс істеді. ӘҚҚ диспетчерлерінің біліктілік деңгейін анықтауға құқығы бар емтихан алушы болып табылады.

Азаматтық авиация жүйесіндегі үздіксіз жұмысы, жоғары кәсібилігі үшін 2011 жылы «Қазаэронавигация» РМК Бас директорының Құрмет грамотасымен марапатталды.

2015 жылы Қазақстан Республикасы Инвестициялар және даму министрлігінің бұйрығымен «Құрметті Авиатор» жоғары кәсіби атағы берілді.

Василий Владимирович қозғалыс қызметінің диспетчерінен Қазақ азаматтық авиация басқармасының Көкшетау Біріккен авиаотрядының ұшу жетекшісіне дейінгі жолдан өтті.

Авиацияда жұмыс істеген жылдары әуе қозғалысына қызмет көрсету қызметінің дамуына зор үлес қосты, өзінің орасан зор өндірістік және өмірлік тәжірибесін жұмыс бойынша әріптестеріне және тағылымдамадан өту кезінде жас мамандарға кәсіби шеберлігін риясыз берді. Ол көпшіл және айналасындағыларға жағымды ықпалын тигізді.

Василий Владимирович, Көкшетау филиалының ұжымы Сізді зейнеткерлікке шыққаныңызбен шын жүректен құттықтайды және ұзақ өмір тілейді!

778